27 студзеня ў менскім клубе «Графіці» мінула прэс-канферэнцыя, прысвечаная пяцігоддзю беларускага музычнага партала «Тузін Гітоў», і прэзентацыя новай складанкі лепшай беларускай музыкі «Прэм’ер Тузін-2008».
Дыск складзены па выніках галасавання на сайце «Тузін Гітоў». Усяго ў чацвёртае па рахунку мультымедыйнае выданне ўвайшлі 42 песні, што ўдзельнічалі ў гіт-парадзе на працягу мінулага музычнага сезону. Сярод іх — зоркі беларускай альтэрнатыўнай музыкі (IQ48, :B:N: і Лявон Вольскі, «Глюкі», «Сьцяна»), прадстаўнікі фольк-сцэны (OSIMIRA, «Песьняры», «Рокаш»), папулярнай музыкі (Аляксей Хлестов, Prima-Vera). Шмат гэтым разам і новых імёнаў — Jab Club, Таццяна Беланогая, ILO & Friends. Усіх выканаўцаў аб'ядноўвае фармат «Тузіна Гітоў» — якасная беларускамоўная музыка.
На трэк-ліст складанкі па традыцыі паўплывалі аўтарытэтныя беларускія музычныя аналітыкі. Гэтым разам вызначаць лепшых дапамагалі прадстаўнікі гуказапісвальнай індустрыі — Ігар Будай (заснавальнік польскай студыі «Ariola», Гданьск), Кастусь Кулеш (прадзюсар і гукарэжысёр студыі Super8), Андрэй Бобровка (студыя «Сёлах»), гукарэжысёр студыі «Осмос» Ігар Плевин, Генадзь Сыракваша (кіраўнік PRO-2-Studio).
з прэс-рэлізу
( +5 ) 
( +4 )Прэс-канфренцыя адбывалася ў паб-клубе "Граффіці". Я прыйшоў на хвілін 20 раней і паслухаў як рэпетыравалі хлопцы з гурта "Jub Club". Праз некаторы час пачалі збірацца прадстаўнікі СМІ. Пасля невялічкага фуршэту, Вецер Механічны, адказны за зьнешні выгляд, агульную рэдакцыю, прамоцыю і камэрцыйныя пытаньні, распавёў пра дзейнасць партала за перыяд 5 год. За гэты перыяд на партале адзначана каля 1,5 млн запамповак. Добра не слухаў, прабачце, таму што цікаыіўся працай фотакораў.) Але адназначна скажу адно - Вецер Механічны, як чалавек мне спадабаўся. Дапамагаў адказваць на пытанні журналістаў Вецеру аўтар ідэі, каардынатар і рэдактар партала "Тузін гітоў" Сяргей Будкін, а так сама музычны крытык.
Спазнелы на паўгадзіны Алег Хаменка заявіў, што ў 2010 годзе фэст "Рок-каранацыя" мае намер пазбавіцца ад прыстаўкі "рок". "Будзе проста "Каранаванне". Таму ў асяроддзі музыкаў ёсць палны арганізаваць яшчэ адзін фэст. Правядзенне гэтага фэсту плануецца ў Менску ў канцы траўня, ёсць нават папярэдняя дата", — паведаміў А. Хаменка.
"Фэст плануецца ў фармаце open-air (на адчыненым паветры) пад Менскам. Тамака будуць самыя розныя музыкі, як вядомыя, так і не вельмі. Мы разлічваем на тое, што партал "Тузін Гітоў" дапаможа ў арганізацыі і асвятленні гэтага фэсту. Думаю, гэта будзе значная падзея ў музычным жыцці Беларусі", — А. Хаменка.
Па яго словах, выступаць на новым фэсце будуць беларускія групы і выканаўцы.
"Мы жадалі зрабіць гэты фэст "нацыянальным", але, у сувязі з заканадаўчым абмежаваннем ужывання ў назовах арганізацый і мерапрыемстваў слова "нацыянальны", паўсталі некаторыя праблемы. Цяпер мы разглядаем варыянт назову са словам "рэспубліканскі". Увогуле, праблем з арганізацыяй фэсту пакуль шмат. Патрабуецца мінуць шмат бюракратычных працэдур, шмат узгадненняў. Так што чытайце навіны на партале "Тузін Гітоў", — заклікаў удзельнікаў імпрэзы А. Хаменка.
На прыканцы мерапрыемства выступіў гурт "Jub Club", лідэр Яўген Валошын. Добра пазажыгалі хлопцы. Мне спадабалася як граў акардыяніст.)
Хачу выказаць падзяку
NETradio ў асобе Тамары Лісіцкай aka
toma_lisitskaya за магчымасць папрысутнічаць і паздымаць усё гэта.
выкарыстан тэкст з http://naviny.by/